多倫多市北面最近開多左一間韓國超級市場。（原來開左半年有多架啦？）
呢間超級市場原來係首次進軍加拿大，而本來係美國已經有好多分店。
美國 H Mart.
加拿大 H Mart.
無幾耐之前去左一次，同大家分享一下我見到同買既野啦～
辣椒絲。到底有乜野用途呢？應該唔辣架啦喎。咁鬼大包，唔通係用黎醃野，用黎加顏色既？
黎個近鏡睇睇。
又係絲，呢次係魷魚絲。唔通同辣椒絲一齊用既？
黎多個近鏡。切成咁樣既魷魚絲我就真係諗唔到有乜用。當零食會好難咬喎。
不如睇返下比較熟悉既貨品。
醃好左既牛仔骨。雖然咁買法會係貴左少少，但係自己返去醃又無咁快入味同未必有咁好味。（結果都分到三餐咁食，計落都幾抵丫。）
新鮮既豬腩肉切片。會買呢款豬肉係因為有試食。原來就咁唔駛調味，即接煎熟再點少少醬汁就好好味！
下一篇再黎介紹點樣食呢兩款咁正既肉～
